يســألنـي .. !!؟

غربية هاذي الدنيا

تشتت شملنا الليلة .. وبكرا تجمعه ثاني

مٌريبه ..

كيف تـفّـرحني ..

وبلحظة .. تدفن ضحكة أغصاني

جريئة دنيتي ..

أمنّتها سرّي .. وقريّـتها دفتر كياني

علمتها تحسب موعد ..

فرحتي .. كربتي .. صحوتي ومنامي

وحتى موعد حطتي لذاك العطر..

خطيت لها سطر .. سطر

وفهمتها انه بحياتي .. لا يوجد ما يسمى
بــ

" آخــــر سطـــر "
دايم أجدد صفحتي .. وامسح الماضي واصر
تكون لهفتي للنور .. ولإشراق الصبح
باكبر قدر
لكــني اتفاجــــأ
وين النــور ؟! .. وين الصــبح ؟!
اثــاري دنيتي خطت لي
وبــــــآآآآآآخر سطر
" دنــياك تجهل وين نـــور الفجر! "


وتــسألني كيف دنيــاي ؟!
كيف أبدا .. وين أبدا .. وش أقول .. وش يبقى
احكيلك عن اكثر شي يتعبني
واكثر شي يهد حيلي .. ويسرق راحتي مني
إن النــــاس تـــاخذ بس
وبوقت حاجتك مـاتعطي
وإن النــــاس تعيش وكنها بسباق خيل
الكل لازم يكون المركز الأول
ولو اخذ مكانك احد ياويله ويل
وطول الطريق .. تدوس الناس ببعضها ..
مو شرط تدوس برجلها !!
ممكن بلفظه جارحه ..ولا بنظره حاقده .. ولا بتضمين الكلام
وينسون ان المسلم للمسلم أخو
تحب له.. نفس ما لنفسك تحب
ومن النــاس..
بلحظة من الجنون والطيش .. يعلن حالة الإنذار
يسخط على العالم كــــــله
يشتم ذا .. ويلعن ذاك .. ويمسح بالجميع الارض
يدوس احساسك وقلبك .. يهينك وفوقها يذلّك
ويسمّعك اقسى الكلام .. وكل انواع الملام
وبعدها .. يبتعد ويروح ..
وانت الدمع بعيونك .. وحالة من الذهول حولك
ينتهي المشــــهد !!
ويجي بكرا .. غريبة !! .. انقلب حاله بها السرعه
شفاته اليوم مبتسمه ..
وامس كانت سفير للجرح والقسوه
يناظر لك .. ويقرب
عيونه تبدا تسلم ..قبل فمه
ويباغتك بكلـــمة
" أنــا آســـف "
مزاجي أمس مو مضبوط .. تبغى الصدق كنت مضغوط
ويقّــفّي ..خلاص بيروح
تعــــال لحظه
وش افهم من كلامك ذا " إبراء ذمــه !!"
ولا تبي انسى طعم سمٍ زرعته بكل كلمه
( سهل تنزع ؛ خـنـجـر ٍ ؛ فيه طعنتني البارح
.. لكن ماهي بسهلة تمحي أثـــرهـا )
كيف .. تداوي جرح الكبرياء اللي أهنته ؟
وكيف يبرى نزف قلب ٍ بيدينك طعنته ؟
حنــا بواقعنا المرير .. تناظر بتشوف العجب
يا ترى : هو جهل ! .. ولا هبـــل
ولا البشر ما تهمها مشاعر بعض
يــا ما رمتني طيبتي في وحل المكر ..
يا ما حنيت راسي .. مو ضعف ٍ ولا ذله
لكن أداري دمعة ٍ هاضت ..
والسبّه .. غالي نكر عشرة عمر


وتســألني كيف دنياي ؟!
احكيلك عن الذكرى
.. تعرف أصلا ً وش الفكرة !!
" حيــــــاتي كلها ذكرى "
انام واصحى واتذكر فصول الأمس
واعيش اليوم على دقة وتر بكرا
كثير اوقات اتمنى .. ارجع بالزمن فترة
لأول زيارة لدنيتــي
شي ٍ صغير .. متعلق ٍ بيدين الطبيب
فرحة بمحيا عيلتي.. بمولد وجية حضرتي
" ويبـــــدأ شريط الذكريات "
أول كلمة نطقتها .. وأول خطوة خطيتها
أول علقة اكلتها .. و أول كذبة كذبتها
أول صديقة عرفتها .. و أول عباية لبستها
أول طبخه طبختها .. و أول سمكة ربيتها
أول شهادة أخذتها .. و أول رسمه رسمتها
" وأول قلــــب .. علمني كيف أحبه .. لكنه "نســى" يعلمني
كيف أنســــــاه "
يــــا هي أيام عشقتها .. بالمختصر
هي ذكريات حفظتها .. وكل ما فاض الحنين
نثرتها بصدري تداوي جرح مــا يبرى!!


وتسألني كيف دنياي ؟!
تبي احكيلك عن نفسي .. مشاعر ضايعه مابين
" طيبة قلبي وعنادي "
أو احكيلك عن دروسي .. وعلم ٍ شيب براسي
أو احكيلك عن الإخلاص ..جسدته بصديقاتي

ولا أقــووول ...!!!

يـا ســـاءلنــي عن دنياي .. خليها على شـاني
تسايرني وأسايرها .. توفي ما بقى منها
واذا قصدك علوم قلبي
تطــمن
ما تكسرني هبة ريح
ولاني من القهر اصيح
ولو قصر هالزمن أو طال
ما يهز بشر عودي
لاني أنا .. اخت رجــال
طويلة بــال
ولو الحظ فيني مال
اسند حالي بحــالي
وراسي دوم بالعالي
صحيح دنياي.. أحيانا تخليني ..
وحيدة .. ضايعه .. وأحيانا تبكيني ..
لكنها كثيـــــر أوقات .. عزّتني .. علّتني .. رضّتني
ويوم اقفت وجيه الناس من حولي ..
جـات دنيـــــاي
" وضمتنــــــــــــــي "

ولكــم حياتي ,, قبل تحياتي

هيبة صمتــ ,,,